Ihr liebe Fans vom Theater im Wägital,
Am 1. Juni hend mir für üch gspillt zum letschte Mal.
Natürli nur für die Saison i dem Jahr,
de eint oder ander Spieler hät jetzt übrigens wieder chli weniger Haar.ߘ⦬t;/span>
Was mer nöd alles macht für's Bild,...
mängisch gohts bi üs halt zue ganz wild.
Mir dörfet abschlüsse e wunderbari Ziit uf de Bühni obe, jetzt müend sich alli wieder anderst ustobe.
Alles hät es Endi, was au sis Guete hät,
mer cha bereits studiere, was mer ächt als nächstes tät.
Mir verdanked üch de grossi Erfolg immer wieder, ihr sind eifach super, mir sind überglücklich und zfriede.
Danke tuusig für üchi treui Unterstützig jedes Mal, dass ihr immer wieder chömed zu üs is Tal.
So schön, sind ihr da und im erste Rang,
wänn sich amigs öffnet de Theater-Vorhang.
Hebed Sorg und bliibed gsund,
so gohts denn au im nächste Jahr wieder rund!
Mir freued üs wahnsinnig fescht uf üch alli mitenand,
ade merci und e Herzensgruess vom Land.
WÄGITALER THEATER