Erkennungsmelodie

Text und Musik: Hansueli Züger

Intro

Theater im Wägital, das isch voll de Hit - hit - hit - hit
Theater, Theater, mir spielet hüt für üch,
mir striitet und mir küsset, und sind au mängisch schüüch.
Verhältnis, Verbräche, mir lööset jede Fall.
De Spass hät immer Vorrang, bi üs im Wägital,
de Spass hät immer Vorrang, bi üs im Wägital.

Zwischenspiel

Theater, Theater, jetz gaht’s dä nöme lang,
und wänn ihr wacker klatschet, isch das de schönschti Klang.
Mir wünschet Vergnüege , ihr planget sicher all,
jetz öffnet sich de Vorhang, bi üs im Wägital,
jetz öffnet sich de Vorhang, bi üs im Wägital.

Exit

Theater im Wägital, das isch voll de Hit - hit - hit - hit
Theater, Theater, mit üch isch’s immer schön.
Applaus vo üch, mir danket, das sind doch üseri Löhn.
s’hät alles es Ändi, das isch au hüt de Fall.
Jetz schlüüsst sich glii de Vorhang, bi üs im Wägital,
jetz schlüüsst sich glii de Vorhang, bi üs im Wägital.

Zwischenspiel

Theater, Theater, für hüt isch leider uus,
mir säget allne danke, für üche Bsuech im Huus.
Und freuet üs jetz scho, uf üch das nächschti Mal,
wänns wieder heisst Theater, bi üs im Wägital,
wänns wieder heisst Theater, bi üs im Wägital.